Хүндүлүг өгбелеривис, малчыннарывыс, чангыс чер-чурттугларывыс!
Тыва чонувустуң кошкун амыдыралын, ундезин культуразын синирген чараш, республика чергелиг байырлалы – Наадым таварыштыр силер бүгүдеге изиг байырны чедирип тур бис!
Наадым дээрге-ле силерниң аар-берге ажыл-ижинерни, күжүңерни бедик үнелээниниң демдээ болуп, хүн бүрүде кылып чоруур ажыл-амыдыралыңар өскелерге, ылаңгыя аныяк-өскенге улуг кижизидилгени болгаш үлегер-чижекти илереткен байырлал-дыр.
Тоогувусту камнап, ужур-чанчылдарывысты, уран-чуулду болгаш ус-шеверни улам хогжудуп, ковей чус чылдарнын арга-дуржулгазын болгаш мерген угаанын салгалдан салгалче дамчыдып чоруурунар эгээртинмес унелиг.
Силерниң амыр эвес ажыл-ижиңер республикавыстың чүгле социал-экономиктиг байдалынга хамааржыр эвес, а тыва чоннуң чаңчылчаан культуразын, ооң иштинде чоннуң делегейже көрүжүн, национал чоргааралын, хей-аъдын көдүреринге болгаш сагыш-сеткилиниң делегейин байлакшыдарынга дорт салдарлыг болуп чоруур.
Хүндүлүг өгбелеривис, малчын ишчилеривис, силер бүгүдеге байырлалыңар-биле хей-аъдыңар бедик, тура-сорууңар быжыг, ог-буленер, өдек-коданыңар, азыраан малыңар онча-менди, оът-сиген, тараа-быдаа кезээ мөңгеде дүжүткүр болурун йөрээдивис!
